ដំណឹងមរណភាព

===========

គណៈមេធាវីនៃព្រះរាជាណាចក្រកម្ពុជាមានទុក្ខដ៏ក្រៀមក្រំ ដោយបានទទួលព័ត៌មានថា ឧបាសក ឈរ ជាង ឪពុករបស់លោកមេធាវី ឈរ លីថៃ សមាជិកក្រុមប្រឹក្សាគណៈមេធាវី បានទទួលមរណភាពនៅថ្ងៃព្រហស្បតិ៍ ១១កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែវិច្ឆិកា ឆ្នាំ២០២០ វេលាម៉ោង ១២:១៥ នាទីយប់ ក្នុងជន្មាយុ ៨៨ឆ្នាំ ដោយរោគាពាធ។

ក្នុងឱកាសនេះ គណៈមេធាវីនិងសមាជិក-សមាជិកាគណៈមេធាវីនៃព្រះរាជាណាចក្រកម្ពុជាសូមសំដែងការសោកស្ដាយ និងចូលរួមរំលែកមរណទុក្ខជាមួយក្រុមគ្រួសារនៃសព ចំពោះការបាត់បង់អ្នកមានគុណ ប្រកបដោយព្រហ្មវិហារធម៌។

ទន្ទឹមនឹងនេះ គណៈមេធាវីសូមជូនដំណឹងដល់សមាជិក-សមាជិកាគណៈមេធាវីទាំងអស់មេត្តាជ្រាបថា ពិធីបុណ្យសពរបស់ឧបាសក ឈរ ជាង ប្រារព្ធធ្វើនៅគេហដ្ឋានរបស់ឧបាសក ឈរ ជាង ផ្ទះលេខ៩ ភូមិទី១០ សង្កាត់កំពង់ចាម ក្រុងកំពង់ចាម ខេត្តកំពង់ចាម។

 

ឯកឧត្តមប្រធានគណៈមេធាវី នឹងដឹកនាំប្រតិភូទៅគោរពវិញ្ញាណក្ខន្ធសព ជាផ្លូវការនាថ្ងៃទី២៧ ខែវិច្ឆិកា ឆ្នាំ២០២០ វេលាម៉ោង ៦:០០ ល្ងាច។

អាស្រ័យហេតុនេះ សូមសមាជិក-សមាជិកាគណៈមេធាវីទាំងអស់ជ្រាបជាដំណឹង និងចូលរួមកម្មវិធីបុណ្យជាមួយក្រុមគ្រួសារនៃសព ដោយសហភាតរភាព។