នារសៀលថ្ងៃទី ១៧ ខែសីហា ឆ្នាំ២០២១ គណៈមេធាវីនៃព្រះរាជាណាចក្រកម្ពុជា បានរៀបចំកិច្ចសំណេះសំណាលជាមួយប្រតិភូ និងសមាជិកប្រតិភូគណៈមេធាវីរាជធានី-ខេត្ត

និងសាលាឧទ្ធរណ៍ តាមប្រព័ន្ធ Online (Zoom meeting) ក្រោមអធិបតីភាព ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ។ ក្នុងឳកាសនេះដែរ ឯកឧត្តមប្រធានគណៈមេធាវី បានសំណេះសំណាល សួរសុខទុក្ខប្រតិភូ និងសមាជិកប្រតិភូទាំងអស់ និងសុំឱ្យប្រតិភូ និងសមាជិកប្រតិភូទាំងអស់លើកឡើងនូវផលលំបាក បញ្ហាប្រឈម និងសំណូមពរក្នុងការអនុវត្តវិជ្ជាជីវៈមេធាវី ជូនឯកឧត្តមប្រធាន ដើម្បីដោះស្រាយ។ ជាលទ្ធផល ឯកឧត្តមប្រធាន បានផ្តល់នូវដំណោះស្រាយ ក៏ដូចជាអនុសាសន៍ល្អៗជូនប្រតិភូ និងសមាជិកប្រតិភូទាំងអស់ដើម្បីអនុវត្ត។ កិច្ចសំណេះសំណាលនេះប្រព្រឹត្តទៅដោយរលូន និងប្រកបដោយភាពស្និតស្នាលជាទីបំផុត។

• មុន
• បន្ទាប់