នៅរសៀលថ្ងៃពុធ ១១កើត ខែមិគសិរ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៥  ខែធ្នូ  ឆ្នាំ២០២១  នេះ  លោកមេធាវី  លីវ  សុវណ្ណា  អគ្គលេខាធិការនៃគណៈមេធាវី  និងជាតំណាងដ៏ខ្ពង់ខ្ពស់

របស់ឯកឧត្តម  លី   ច័ន្ទ តុលា ប្រធានគណៈមេធាវី បានដឹកនាំសហការីដែលជាថ្នាក់ដឹកនាំគណៈមេធាវីផ្សេងទៀត ទៅសួរសុខទុក្ខអំពីស្ថានភាពជំងឺរបស់លោកមេធាវី  ទី  ពៅ  នៅមន្ទីរពេទ្យជោរៃភ្នំពេញ  ដោយបានពាំនាំទៅជាមួយនូវពាក្យផ្តាំសួរសុខទុក្ខរបស់ឯកឧត្តមប្រធាន  និងសហភាតាទាំងអស់  ព្រមទាំងកន្ត្រកផ្លែឈើ ថវិកាពីគណៈមេធាវីចំនួន  ៨០០ដុល្លារអាមេរិក  និងថវិកាមួយចំនួនដែលសហភាតា បានចូលរួមតាមរយៈគណៈមេធាវី។

ហើយចំពោះស្ថានភាពសុខភាពរបស់លោកមេធាវី  ទី  ពៅ  ខ្ញុំសូមអនុញ្ញាតជម្រាបជូនដូចតទៅ៖

១.  គាត់បានចូលសម្រាកព្យាបាលនៅមន្ទីរពេទ្យនេះកាលពីថ្ងៃទី១៣ ខែធ្នូ  ឆ្នាំ២០២១  ដោយគាត់មានជំងឺទាកទឹក។  បច្ចុប្បន្ននេះគាត់មានស្ថានភាពធូស្រាលហើយ។

២. ក្នុងពេលចូលព្យាបាលនេះ  គ្រូពេទ្យតម្រូវឱ្យគាត់បញ្ចូលឈាមចំនួន៦ប្លោក  ដើម្បីបន្តការព្យាបាល  ហើយបច្ចុប្បន្ននេះគាត់បានបញ្ចូលចំនួន៥ប្លោករួចហើយ។  កន្លងមកនេះ  ឯកឧត្តមប្រធានបានបញ្ជាក់ថាក្នុងករណីលោកមេធាវី  ទី  ពៅ  ខ្វះឈាមបញ្ចូល  ខាងគណៈមេធាវីក៏មានអ្នកស្ម័គ្រចិត្តផ្តល់ឈាមជូនដែរ  ប៉ុន្តែលោក មេធាវី  ទី  ពៅ  តបថាគាត់មានឈាមគ្រាប់រួចហើយ។

ជាចុងក្រោយលោកមេធាវី  ទី  ពៅ  ពិតជារំភើបជាមួយនឹងការយកចិត្តទុកដាក់​របស់​ឯកឧត្តមប្រធាន  និងសហភាតាទាំងអស់  ចំពោះស្ថានភាពជំងឺគាត់  ហើយគាត់សូមជូនពរដល់ឯកឧត្តមប្រធាន  និងសហភាតាទាំងអស់មានសុខភាពល្អ។

• មុន
• បន្ទាប់