នារសៀលថ្ងៃចន្ទ ៣កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៤ ខែមេសា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា

បានអនុញ្ញាតឲ្យក្រុមនិស្សិតច្បាប់មកពីសាកលវិទ្យាល័យជាតិគ្រប់គ្រងធ្វើទស្សនកិច្ចសិក្សានៅគណៈមេធាវីនៃព្រះរាជាណាចក្រកម្ពុជា។ ឆ្លៀតក្នុងឳកាសនោះដែរ ឯកឧត្តមប្រធាន បានថ្លែងនូវមតិស្វាគមន៍ទៅកាន់ប្អូនៗនិស្សិតច្បាប់ និងសាស្រ្តាចារ្យដឹកនាំផងដែរ។

លោកមេធាវី អាន សុវឌ្ឍនា អគ្គលេខាធិការរង គណៈមេធាវី ក៏បានធ្វើបទបង្ហាញស្តីពី គណៈមេធាវីនៃព្រះរាជាណាចក្រកម្ពុជា ដូចជា:

-ប្រវត្តិគណៈមេធាវីនៃព្រះរាជាណាចក្រកម្ពុជា

- តួនាទីភារកិច្ចរបស់ប្រធានគណៈមេធាវី ក្រុមប្រឹក្សាគណៈមេធាវី

- និងរចនាសម្ព័ន្ធរបស់គណៈមេធាវីនៃព្រះរាជាណាចក្រកម្ពុជា។

បន្ទាប់ពីបញ្ចប់នូវបទបង្ហាញ និស្សិតទាំងអស់ត្រូវបែងចែកជាពីរក្រុម ដើម្បីធ្វើទស្សនកិច្ច តាមបន្ទប់នីមួយៗរបស់គណៈមេធាវីដូចជា បន្ទប់ទទួលភ្ញៀវកិត្តិយស បន្ទប់ប្រជុំក្រុមប្រឹក្សាគណៈមេធាវី បន្ទប់ស្ទូឌីយោ បណ្ណាល័យគណៈមេធាវី ព្រមទាំងបន្ទប់សវនាការប្រឌិតផងដែរ។

• មុន
• បន្ទាប់