នៅរសៀលថ្ងៃអង្គារ ទី២រោច ខែពិសាខ ឆ្នាំខាល ព.ស.២៥៦៦ ត្រូវថ្ងៃទី១៧ ខែឧសភា ឆ្នាំ២០២២ តាមការចាត់តាំងរបស់ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា...

នៅរសៀលថ្ងៃអង្គារ ទី២រោច ខែពិសាខ ឆ្នាំខាល ព.ស.២៥៦៦ ត្រូវថ្ងៃទី១៧ ខែឧសភា ឆ្នាំ២០២២ តាមការចាត់តាំងរបស់ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា លោកមេធាវី អាន សុវឌ្ឍនា អគ្គលេខាធិការរង និងជាអ្នកនាំពាក្យគណៈមេធាវី បានចូលរួមដោយផ្ទាល់នៅក្នុងកិច្ចប្រជុំស្តីពីការស្នើសុំមតិយោបល់ពីសំណាក់វិជ្ជាជីវៈមេធាវីពាក់ព័ន្ធនឹងការអភិវឌ្ឍ និងការពង្រឹងប្រសិទ្ធិភាពនៃការអនុវត្តច្បាប់ទាក់ទងនឹងវិស័យសេដ្ឋកិច្ច និងហិរញ្ញវត្ថុ តាមការអញ្ជើញរបស់ឯកឧត្តមបណ្ឌិត ហ៊ែល ចំរើន អនុប្រធានក្រុមប្រឹក្សានីតិកម្ម និងជារដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ នៅបន្ទប់ប្រជុំអគារ ឃ ក្រសួងសេដ្ឋកិច្ច និងហិរញ្ញវត្ថុ ។

តាមរយៈប្រសាសន៍របស់ឯកឧត្តមបណ្ឌិត ហ៊ែល ចំរើន ដែលជាអធិបតីនៃកិច្ចប្រជុំ បានកត់សម្គាល់ និងលើកឡើងអំពីសារៈសំខាន់ដែលមិនអាចខ្វះបាននៃភាពជាដៃគូ និងតួនាទីរបស់វិជ្ជាជីវៈមេធាវី នៅក្នុងការអភិវឌ្ឍវិស័យសេដ្ឋកិច្ច និងហិរញ្គវត្ថុ ។

គណៈមេធាវីនៃព្រះរាជាណាចក្រកម្ពុជា ក្នុងនាមជាស្ថាប័នគ្រប់គ្រងវិជ្ជាជីវៈមេធាវី តែងតែត្រៀមខ្លួនជានិច្ចក្នុងចូលរួមសហការគ្រប់ជ្រុងជ្រោយជាមួយស្ថាប័នជាតិ ជាពិសេសគឺក្រសួងសេដ្ឋកិច្ច និងហិរញ្ញវត្ថុ និងក្រុមប្រឹក្សានីតិកម្ម ដើម្បីទទួលបាន និងសម្រេចនូវគោលបំណងរួមគ្នា គឺការអភិវឌ្ឍសង្គម-សេដ្ឋកិច្ចកម្ពុជា ។

កិច្ចប្រជុំបានឯកភាពលើកសំណើសំខាន់ៗ៤គឺ៖
-កម្រងសេវារាល់កម្រៃចំណូលមិនមែនសារពើពន្ធទាំងអស់ ដើម្បីផ្តល់ភាពងាយស្រួលដល់វិនិយោគិន
-បង្កើតវេទិកានីតិកម្មចំពោះការងារពិភាក្សាច្បាប់ពាក់ពន្ធ័វិស័យសេដ្ឋកិច្ច និងហិរញ្ញវត្ថុ (អនុវិស័យអាទិភាពនានា)
-រៀបចំនីតិវិធីលំអិតសម្រាប់ជាយន្តការដោះស្រាយវិវាទសារពើពន្ធ
-ស្នើគណៈមេធាវីក្នុងការសម្របសម្រួលជាមួយការិយាល័យមេធាវី ឬក្រុមមេធាវី ឬក្រុមហ៊ុនមេធាវី ដើម្បីចូលរួមកិច្ចការខាងលើ ក្នុងគោលការណ៍សមធម៌។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់