ក្នុងកម្មវិធីនេះ ក៏មានការអញ្ជើញចូលរួមមតិសំណេះសំណាល ដោយឯកឧត្តមបណ្ឌិត លុយ ចណ្ណា សាកលវិទ្យាធិការនៃសាកលវិទ្យាល័យភូមិន្ទនីតិសាស្រ្តនិងវិទ្យាសាស្រ្ត សេដ្ឋកិច្ច(RULE) និងលោកមេធាវី Yujiro Naito ជាសមាជិកសហព័ន្ធគណៈមេធាវីជប៉ុន(JFBA) និងមានការថ្លែងចំណាប់អារម្មណ៍របស់លោក Yoshimichi Makiyama ប្រធានគណៈកម្មាធិការទំនាក់ទំនងអន្តរជាតិនៃសហព័ន្ធគណៈមេធាវីជប៉ុន ព្រមទាំងមានវត្តមានចូលរួមដោយវាគ្មិនកិត្តិយសលោកមេធាវី អាន សុវឌ្ឍនា អគ្គលេខាធិការរងគណៈមេធាវី លោកមេធាវី មាស បូរ៉ា លោកមេធាវី គឹម រ័ត្នណារ៉ុង ប្រធាននាយកដ្ឋានការពារក្តីជូនជនក្រីក្រ និងកញ្ញាមេធាវី សុខ វណ្ណសិកា និងមានវត្តមាននិស្សិតចូលរួមចំនួន ២២០នាក់។

នាឱកាសនោះ ឯកឧត្តមប្រធានគណៈមេធាវីនៃព្រះរាជាណាចក្រកម្ពុជា ក៏បានសម្តែងអំណរគុណចំពោះកិច្ចសហការដ៏ល្អនៃស្ថាប័នទាំងបី ក្នុងការរៀបចំសិក្ខាសាលាផ្សព្វផ្សាយអំពីវិជ្ជាជីវៈមេធាវីនេះ ហើយក៏បានផ្តាំផ្ញើឲ្យប្អូនៗនិស្សិតនីតិសាស្រ្តទាំងអស់ បន្តខិតខំរៀនសូត្រឲ្យបានជោគជ័យ និងដាក់ពាក្យប្រលងចូលរៀននៅមជ្ឈមណ្ឌលបណ្តុះបណ្តាលវិជ្ជាជីវៈមេធាវី ប្រសិនបើមានបំណងចង់ក្លាយជាមេធាវីនាពេលអនាគត។