នាព្រឹកថ្ងៃអាទិត្យ ៩រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២១ ខែសីហា ឆ្នាំ២០២២ ឯកឧត្តម លី ច័ន្ទតុលា...

ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ ឈីវ ភិរម្យ បានរៀបចំកម្មវិធីចង្រ្កានសប្បុរសលើកទី១២ ជួយដល់បងប្អូនប្រជាពលរដ្ឋចំនួន ២៨៣គ្រួសារ ដែលរស់នៅទីលានចាក់សម្រាមដង្កោ ក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច

នាព្រឹកថ្ងៃអាទិត្យ ៩រោច ខែស្រាពណ៍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២១ ខែសីហា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ ឈីវ ភិរម្យ បានរៀបចំកម្មវិធីចង្រ្កានសប្បុរសលើកទី១២ ជួយដល់បងប្អូនប្រជាពលរដ្ឋចំនួន ២៨៣គ្រួសារ ដែលរស់នៅទីលានចាក់សម្រាមដង្កោ នៅសាលាសង្កាត់ជើងឯក ខណ្ឌដង្កោ រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងមានការអញ្ជើញចូលរួមដោយប្រតិភូនៃក្រសួងទំនាក់ទំនងជាមួយរដ្ឋសភា-ព្រឹទ្ធសភា សមាជិក-សមាជិកាក្រុមប្រឹក្សាគណៈមេធាវី ថ្នាក់ដឹកនាំគណៈមេធាវី លោកចៅសង្កាត់ជើងឯក លោកស្រីអភិបាលខណ្ឌដង្កោ តំណាងអភិបាលនៃគណៈអភិបាលរាជធានីភ្នំពេញ និងសប្បុរសជននានាជាច្រើនទៀត រួមទាំងក្រុមហ៊ុន CP Cambodia និងម្ហូបការ សេង ហុកហេង ផងដែរ។ នៅក្នុងកម្មវិធីនេះ ឯកឧត្តម លី ច័ន្ទតុលា បានថ្លែងនូវមតិសំណេះសំណាល និងជម្រាបជូនអំពីគោលបំណងនៃកម្មវិធី ជូនលោកជំទាវឧបនាយករដ្ឋមន្រ្តី និងអង្គពិធីផងដែរ។ និងមានសារសំខាន់ចំនួន៣ ដើម្បីចែកជូនដល់បងប្អូនប្រជាពលរដ្ឋដែលរស់នៅតំបន់ទីលានចាក់សម្រាម គឺ: ១-អរគុណសន្តិភាព អរគុណសម្តេចតេជោ ២-ឲ្យមាតាបិតាគ្រប់ត្រូវបញ្ជូនកូន ចៅទៅចូលរៀនឲ្យបានគ្រប់គ្រប់ៗគ្នា ៣-និងធ្វើការចែករំលែកបន្តដល់អ្នកដែលខ្វះខាតជាងខ្លួន ។ លើសពីនេះទៀត ក៏មានការរាយការណ៍អំពីការគ្រប់គ្រងទីលានចាក់សម្រាម ដោយលោក កែវ ច័ន្ទណារិទ្ធិ ប្រធានគណៈគ្រប់គ្រងទីលានចាក់សម្រាមដង្កោ នៃរដ្ឋបាលរាជធានីភ្នំពេញ និងមានមតិសំណេះសំណាលដោយលោកជំទាវ កែវសុខ ពិសី អភិបាលរងនៃគណៈអភិបាលរាជធានីភ្នំពេញ តំណាងដ៏ខ្ពង់ខ្ពស់ ឯកឧត្តម ឃួន ស្រេង អភិបាលនៃគណៈអភិបាលរាជធានីភ្នំពេញ។ ថ្លែងក្នុងឱកាសនោះ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញសំណេះសំណាលជាមួយប្រជាពលរដ្ឋប្រកបរបររើសសម្រាម ចំនួន ២៨៣គ្រួសារ និងបានពាំនាំមកនូវការផ្តាំសាកសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធីទាំងមូលដោយក្តីនឹករលឹក និងការគិតគូរអំពីសុខទុក្ខប្រជាពលរដ្ឋនៅគ្រប់ទីកន្លែង ។ លោកជំទាវបានបន្តទៀតថា តាមរយៈ នៃការចែករំលែកធនធាន នៅក្នុងថ្ងៃនេះគឺជាការកសាងនូវអំពើល្អ ដោយបានបង្ហាញនូវក្តីស្រឡាញ់ ការយកចិត្តទុកដាក់ នឹងជួយឲ្យកុមារដែលនៅក្នុងបន្ទុកមានការលូតលាស់ល្អ ជាពិសេស គឺបញ្ញា ស្មារតី និងចំណេះដឹង ។ លោកជំទាវក៏បានផ្តាំផ្ញើរឲ្យប្រជាពលរដ្ឋក្នុងកម្មវិធី ត្រូវ ៖ ១. បន្តរួមគ្នាថែរក្សាសុខសន្តិភាព ដើម្បីចូលរួមចំណែកជាមួយរាជរដ្ឋាភិបាលក្នុងការកសាង និងអភិឌ្ឍន៍ជាតិ ២. ចូលរួម គោរព និងអនុវត្តឲ្យបានខ្ជាប់ខ្ជួន នូវគោលការណ៍ រក្សាគម្លាត សង្គម រក្សាអនាម័យឲ្យបានល្អ រួមជាមនួយនឹងវិធានការ ៣ការពារ ៣កុំ ដើម្បីជៀសផុតពីជំងឺកូវីដ ១៩ និងជំងឺឆ្លងផ្សេងៗផងដែរ ។ ២. បានស្នើឲ្យ ឯកឧត្តម លី ច័ន្ទតុលា និងលោកជំទាវ ឈីវ ភិរម្យ រួមជាមួយសប្បុរសជនដទៃ បន្ត សកម្មភាពមនុស្សធម៌ និងជាការចែករំលែកនូវក្តីស្រឡាញ់ តាមវប្បធម៌នៃការចែករំលែកនេះបន្តជួយ ដល់ប្រជាពលរដ្ឋដែលជួបការលំបាក ៕

• មុន
• បន្ទាប់