នាព្រឹកថ្ងៃច័ន្ទ ១០រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែមករា...

នាព្រឹកថ្ងៃច័ន្ទ ១០រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែមករា ឆ្នាំ២០២៣ នេះ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញចូលរួមក្នុង “ពិធីបើកឆ្នាំ គតិយុត្តិ-២០២៣របស់ហុងកុង” (Ceremonial Opening of the Legal Year 2023 in Hong Kong) តាមប្រព័ន្ធ ហ៊្សូម ដែលសហការរៀបចំដោយស្ថាប័នតុលាការនៃតំបន់រដ្ឋបាលពិសេសហុងកុង សមាគមសង្គម-ច្បាប់ហុងកុង និងគណៈមេធាវីហុងកុង។ អញ្ជើញចូលរួមជាមួយឯកឧត្តមប្រធាននាឳកាសនោះ មានជាអាទិ៍ លោកមេធាវី អាន សុវឌ្ឍនា អគ្គលេខាធិការរងនិងលោកមេធាវី ស៊្រុន ធីរិទ្ធ ប្រធាននាយកដ្ឋានទំនាក់ទំនងសាធារណៈ និងសហប្រតិបត្តិការអន្តរជាតិ។ ក្នុងសន្ទរកថា របស់ឯកឧត្តមប្រធានគណៈមេធាវីនៃព្រះរាជាណាចក្រកម្ពុជា ថ្លែងក្នុងរបៀបវារៈស្តីពី“វេទិកាតុ មូលនៃប្រធាន”(Presidents’ Roundtable)នៃពិធីខាងលើនេះ បានលើកឡើងអំពីការបង្កើត ការគ្រប់គ្រងដឹកនាំ ការលើកស្ទួយគុណវុឌ្ឍីនៃការបណ្តុះបណ្តាលទេពកោសល្យច្បាប់ ជូនសមាជិក-សមាជិកានៃគណៈមេធាវី នៃព្រះរាជាណាចក្រកម្ពុជា ហើយក៏បានបញ្ជាក់ពីការបន្តកិច្ចសហការនិងទំនាក់ទំនងល្អជាមួយបណ្តាគណៈមេធាវី និងវិជ្ជាជីវៈច្បាប់និងមេធាវីនៅលើសកលលោក ដែលក្នុងនោះក៏បានលើកសំណើរៀបចំឡើងវិញនៃអនុស្សារណៈ យោគយល់ រវាងគណៈមេធាវីនៃព្រះរាជាណាចក្រកម្ពុជានិងសមាគមសង្គម-ច្បាប់ហុងកុង(The Law Society of Hong Kong) ផងដែរ។ គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់