ឯកឧត្តម លី ច័ន្ទតុលា ប្រធានគណៈមេធាវី និងលោកជំទាវ ឈីវ ភិរម្យ បានដឹកនាំសមាជិកក្រុមប្រឹក្សាគណៈមេធាវី ថ្នាក់ដឹកនាំ និងបុគ្គលិកគណៈមេធាវី ចូលរួមពិធីកាន់បិណ្ឌទី១១ តាមគន្លងប្រពៃណីពុទ្ធសាសនា ចំនួន ៣វត្ត (វត្តគិរីទក្ខិណារ៉ាម ហៅវត្តអង្គអណ្តែត វត្តធម្មនោរម្យ ហៅវត្តស្លែងខ្ពស់ និងវត្តភ្នំចចក) នៃឃុំតាំងយ៉ាប ស្រុកព្រៃកប្បាស ខេត្តតាកែវ

នាព្រឹកថ្ងៃអង្គារ ១១រោច ខែភទ្របទ ឆ្នាំថោះ ព.ស ២៥៦៧ ត្រឹវនឹងថ្ងៃទី១០ ខែតុលា ឆ្នាំ២០២៣ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ ឈីវ ភិរម្យ បានដឹកនាំសមាជិកក្រុមប្រឹក្សាគណៈមេធាវី ថ្នាក់ដឹកនាំ និងបុគ្គលិកគណៈមេធាវី ចូលរួមពិធីកាន់បិណ្ឌទី១១ តាមគន្លងប្រពៃណីពុទ្ធសាសនា ចំនួន ៣វត្ត (វត្តគិរីទក្ខិណារ៉ាម ហៅវត្តអង្គអណ្តែត វត្តធម្មនោរម្យ ហៅវត្តស្លែងខ្ពស់ និងវត្តភ្នំចចក) នៃឃុំតាំងយ៉ាប ស្រុកព្រៃកប្បាស ខេត្តតាកែវ ។ ក្នុងឱកាសដ៏វិសេសវិសាលដែលប្រកបដោយកុសលចេតនា នេះ ឯកឧត្តមប្រធាននិងលោកជំទាវ ព្រមទាំងក្រុមការងារបានវេរប្រគេនទេយ្យទានជាគ្រឿងឧបភោគបរិភោគ បច្ច័យកសាងវត្តទាំង៣ បច្ច័យបួនសម្រាប់ព្រះសង្ឃគង់ចាំព្រះវស្សា គណៈកម្មការអាចារ្យវត្ត និងប្រជាពលរដ្ឋ ផងដែរ។ ឯកឧត្តមប្រធាននិងលោកជំទាវ ព្រមទាំងក្រុមការងារទាំងអស់ សូមជូនពរបងប្អូនសហភាតា មេធាវី និងប្រជាពលរដ្ឋខ្មែរទាំងអស់ រីករាយរាយជួបជុំគ្រួសារ និង ទទួលបានសុខសុវត្ថិភាព ក្នុងការធ្វើដំណើរគ្រប់ទីកន្លែង ក្នុងឱកាសនៃពិធីបុណ្យកាន់បិណ្ឌ និងបុណ្យភ្ជុំបិណ្ឌប្រពៃណីខ្មែរ។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់