ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី ប៉ា ងួនគា នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី​ ដឹកនាំប្រតិភូគណៈមេធាវី អញ្ជើញទៅចូលរួមកម្មវិធីស្វាគមន៍គណៈប្រតិភូចូលរួមក្នុងពិធី “បើកឆ្នាំគតិយុត្តិ ២០២៤ របស់ហុងកុង” (Ceremonial Opening of the Legal Year 2024 Hong Kong)

នារសៀលថ្ងៃអាទិត្យ ១១កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២១ ខែមករា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី ប៉ា ងួនគា នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី​ ដឹកនាំប្រតិភូគណៈមេធាវី​អញ្ជើញទៅចូលរួមកម្មវិធីស្វាគមន៍គណៈប្រតិភូចូលរួមក្នុងពិធី “បើកឆ្នាំគតិយុត្តិ ២០២៤ របស់ហុងកុង” (Ceremonial Opening of the Legal Year 2024 Hong Kong) នៅ ភោជនីយដ្ឋាន​ Cardinal Point 45/F (Rooftop) នៃទីក្រុងហុងកុង។ នៅក្នុងកម្មវិធីស្វាគមន៍នេះរួមមានការទទួលស្វាគមន៍យ៉ាងកក់ក្តៅពីប្រធានសហគមន៍អ្នកច្បាប់ហុងកុង​ ប្រធានគណៈមេធាវីហុងកុង​ និងបានជូនគណៈប្រភូគណៈមេធាវីទៅទស្សនកិច្ចទៅសារមន្ទីរ​ ព្រះបរមរាជវាំងហុងកុង​ និងក្រុមប្រឹក្សានីតិបញ្ញត្តិ។ តាមរយៈកម្មវិធីស្វាគមន៍នេះ គណៈប្រតិភូគណៈមេធាវីបានស្វែងយល់អំពីប្រវត្តិសាស្រ្ត និងប្រព័ន្ធច្បាប់នៅតំបន់ហុងកុង រួមទាំងប្រាស្រ័យទាក់ទង និងពង្រីកទំនាក់ទំនងជាមួយបណ្តាមេធាវី និងថ្នាក់ដឹកនាំគណៈមេធាវីជាច្រើនពីតំបន់អាស៊ី និងអឺរ៉ុបផងដែរ។ គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់