ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជាបានដឹកនាំមេធាវីជាង ២០០នាក់ ក្នុងដំណើរទស្សនកិច្ចទៅកាន់តំបន់ព្រំដែនកម្ពុជា-វៀតណាម(ខេត្តត្បូងឃ្មុំ និងខេត្តក្រចេះ) ដែលសហការរៀបចំជាមួយ រដ្ឋលេខាធិការដ្ឋានកិច្ចការព្រំដែន

“ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា៖ ជាទិដ្ឋភាពច្បាប់ ការបោះបង្គោលព្រំដែនគោក តាមបណ្តោយព្រំដែនកម្ពុជា-វៀតណាម គឺស្របនឹងច្បាប់អន្តរជាតិ និងឧត្តរមានុវត្តន៍អន្តរជាតិពាក់ព័ន្ធនឹងការកំណត់ព្រំដែន” អនុវត្តតាមការសម្រេចដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាថ្ងៃអាទិត្យ ១២ រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៩ ខែកញ្ញា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជាបានដឹកនាំមេធាវីជាង ២០០នាក់ ក្នុងដំណើរទស្សនកិច្ចទៅកាន់តំបន់ព្រំដែនកម្ពុជា-វៀតណាម(ខេត្តត្បូងឃ្មុំ និងខេត្តក្រចេះ) ដែលមានគោលបំណងពិនិត្យព្រំដែនរវាងប្រទេសកម្ពុជា-វៀតណាមក្នុងខេត្តត្បូងឃ្មុំ និងខេត្តក្រចេះ និងផ្តល់ឱកាសដល់បងប្អូនសហភាតាទាំងអស់បានឃើញដោយផ្ទាល់នូវការអភិវឌ្ឍជាក់ស្តែងនូវការកសាងហេដ្ឋារចនាសម្ព័ន្ធផ្លូវក្រវាត់ព្រំដែន ការបោះបង្គោលព្រំដែន និងការអភិវឌ្ឍជារួមរបស់ប្រជាពលរដ្ឋក្នុងខេត្តត្បូងឃ្មុំតាមបណ្តោយព្រំដែនកម្ពុជា-វៀតណាម។ ជាលទ្ធផលដោយផ្អែកទៅលើឯកសារច្បាប់ និងការពន្យល់បង្ហាញដោយក្រុមអ្នកជំនាញរបស់រដ្ឋលេខាធិការដ្ឋានកិច្ចការព្រំដែន និងការពិនិត្យជាក់ស្តែងរបស់ទីតាំងបង្គោលព្រំដែនផ្ទាល់ ឯកឧត្តម លី ច័ន្ទតុលា ក៏ដូចជាគណៈប្រតិភូបានលើកឡើងថា ការបោះបង្គោលព្រំដែនគោក តាមបណ្តោយព្រំដែនកម្ពុជា-វៀតណាម គឺមានលក្ខណៈត្រឹមត្រូវស្របទៅតាមច្បាប់អន្តរជាតិ និងឧត្តរមានុវត្តន៍អន្តរជាតិលើវិស័យកំណត់ព្រំដែន។ លើពីនេះទៅទៀត ឯកឧត្តម លី ច័ន្ទតុលា និងគណៈប្រតិភូបានធ្វើការកត់សម្គាល់ផងដែរអំពីការអភិវឌ្ឍនៅតាមតំបន់ព្រំដែននៅក្នុងខេត្តត្បូងឃ្មុំ និងខេត្តក្រចេះតាមរយៈការតាំងទីលំនៅរបស់ប្រជាពលរដ្ឋក៏ដូចជាការរៀបចំផ្លូវខ្សែក្រវាត់ព្រំដែនបានយ៉ាងស្អាតដែលបង្ករលក្ខណៈងាយស្រួលក្នុងការធ្វើដំណើរ។ ជាចុងក្រោយគណៈមេធាវីនៃព្រះរាជាណាចក្រកម្ពុជា សូមអំពាវនាវទៅកាន់បងប្អូនប្រជាពលរដ្ឋចូលរួមមកធ្វើការទស្សនានៅតាមតំបន់ព្រំដែននេះតាមរយៈទស្សនកិច្ចផ្លូវការរបស់យន្តការរាជរដ្ឋាភិបាលឬតាមរយៈការធ្វើដំណើរមកផ្ទាល់ខ្លួនដែលទេសភាពនារដូវវស្សានៅតាមតំបន់ព្រំដែនមានលក្ខណៈល្អស្អាត និងមានសុវត្ថិភាព។

គណៈមេធាវីនៃព្រះរាជាណាចក្រកម្ពុជា ⏬ JOIN!

D1 461614587 1052659173319970 5875070768949808180 n