លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានដឹកនាំប្រតិភូគណៈមេធាវី អញ្ជើញទៅចូលរួមពិធីបុណ្យគម្រប់ខួប ៧ថ្ងៃរបស់លោកមេធាវី ទិត សាវុឌ្ឍី អត្តលេខ ៤១៦

នារសៀលថ្ងៃចន្ទ ៨កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែមករា ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានដឹកនាំប្រតិភូគណៈមេធាវី អញ្ជើញទៅចូលរួមពិធីបុណ្យគម្រប់ខួប ៧ថ្ងៃរបស់លោកមេធាវី ទិត សាវុឌ្ឍី អត្តលេខ ៤១៦។ ក្នុងឱកាសប្រកបដោយមានទុក្ខដ៏ក្រៀមក្រំនេះ លោកប្រធានគណៈមេធាវី បាននាំយកសារលិខិតរំលែកមរណទុក្ខ និងគ្រឿងកិត្តិយសគណៈមេធាវីនៃព្រះរាជាណាចក្រកម្ពុជា ប្រភេទអនុស្សរណ៍ជាកិច្ចបច្ឆាមរណៈដល់លោកមេធាវី ព្រមទាំងតាវកាលិកមេធាវីទទួលមរណភាព ចំនួន ៤ ០០០ ០០០(បួនលាន)រៀល សម្រាប់ចូលបច្ច័យក្នុងពិធីបុណ្យដែលប្រារព្ធធ្វើនៅ បុរីពិភពថ្មី២តាខ្មៅ២ ផ្ទះលេខ១០៩ ផ្លូវលេខ៧ ក្រុងតាខ្មៅ ខេត្តកណ្តាល។

• មុន
• បន្ទាប់