នៅព្រឹកថ្ងៃអង្គារ ៦កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១២ ខែតុលា ឆ្នាំ២០២១ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាកម្ពុជា

បានទទួលអំណោយដ៏ថ្លៃថ្លាពីឯកឧត្តម សូ សុខ នាយករងខុទ្ទកាល័យ ដែលជាតំណាងដ៏ខ្ពង់ខ្ពស់របស់ ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការ គណៈរដ្ឋមន្ត្រី នូវឧបករណ៍សម្រាប់ធ្វើតេស្តិ៍រហ័សរកជំងឺកូវីដ-១៩ ចំនួន ២១០០ (ពីរពាន់មួយរយ)ឈុត សម្រាប់ប្រើប្រាស់នៅក្នុងការធ្វើតេស្តិ៍រហ័សចំពោះមេធាវីនៅក្នុងមហាសន្និបាតលើកទី២៦ របស់គណៈមេធាវី ដែលនឹងប្រព្រឹត្តទៅចាប់ពីថ្ងៃទី១៦ ដល់ថ្ងៃទី១៨ ខែតុលា ឆ្នាំ២០២១។

គណៈមេធាវីសូមថ្លែងអំណរគុណយ៉ាងជ្រាលជ្រៅចំពោះ ឯកឧត្តមកិត្តិនីតិកោសលបណ្ឌិត ដែលបានយកចិត្តទុកដាក់ចំពោះសុខភាពរបស់មេធាវី និងការចាត់វិធានការដើម្បីបង្ការការឆ្លងជំងឺកូវីដ-១៩។