ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាគណៈអធិបតីក្នុងពិធីជប់លៀងអបអរសាទរមហាសន្និបាតលើកទី២៨ របស់គណៈមេធាវីនៃព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌

នាថ្ងៃត្រង់ថ្ងៃចន្ទ ២កើត ខែអស្សុជ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី១៦ ខែតុលា ឆ្នាំ២០២៣ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាគណៈអធិបតីក្នុងពិធីជប់លៀងអបអរសាទរមហាសន្និបាតលើកទី២៨ របស់គណៈមេធាវីនៃព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌។ ពិធីនេះមានការចូលរួមពីសំណាក់ឯកឧត្តមអនុប្រធានតុលាការកំពូល លោកជំទាវអគ្គព្រះរាជអាជ្ញាអមតុលាការកំពូល ឯកឧត្តមទេសរដ្ឋមន្រ្តី ឯកឧត្តមរដ្ឋមន្រ្តី និងថ្នាក់ដឹកនាំនៃក្រសួងស្ថាប័នរាជរដ្ឋាភិបាល ឯកឧត្តមសមាជិកក្រុមប្រឹក្សាអង្គចៅក្រម ឯកឧត្តមអគ្គព្រះរាជអាជ្ញាអមសាលាឧទ្ធរណ៍ អតីតប្រធានគណៈមេធាវី ឯកឧត្តម លោកជំទាវប្រធានសាលាដំបូង និងព្រះរាជអាជ្ញាអមសាលាដំបូងរាជធានី ខេត្ត សមាជិក-សមាជិកាក្រុមប្រឹក្សាគណៈមេធាវី, ថ្នាក់ដឹកនាំគណៈមេធាវី, ថ្នាក់ដឹកនាំមជ្ឈមណ្ឌលបណ្តុះបណ្តាលវិជ្ជាជីវៈមេធាវី, បុគ្គលិកគណៈមេធាវី និងសិស្សមេធាវីជំនាន់ទី១៩ និងសមាជិក-សមាជិកាគណៈមេធាវីទូទាំងប្រទេស ព្រមទាំងភ្ញៀវកិត្តិយសជាច្រើនរូបទៀត។ ឯកឧត្តមប្រធាន បានថ្លែងអំណរគុណចំពោះវត្តមានដ៏ខ្ពង់ខ្ពង់ របស់ឯឧត្តមឧបនាយករដ្ឋមន្ត្រី ឯឧត្តមអនុប្រធានតុលាការកំពូល លោកជំទាវអគ្គព្រះរាជអាជ្ញា ឯកឧត្តមទេសរដ្ឋមន្ត្រី ឯកឧត្តមរដ្ឋមន្ត្រី និងឯកឧត្តមលោកជំទាវជាថ្នាក់ដឹកនាំនៃក្រសួងស្ថាប័ននៃរាជរដ្ឋាភិបាលកម្ពុជា ឯកឧត្តម លោកជំទាវ អ្នកឧកញ៉ា លោកឧកញ៉ា បងប្អូនសហភាតាមេធាវី លោក លោកស្រី ដែលបានអញ្ជើញចូលរួមក្នុងពិធីជប់លៀងអបអរសាទរមហាសន្និបាតលើកទី២៨ របស់គណៈមេធាវី។ និងបានសំណូមពរគណៈអធិបតីនិងភ្ញៀវកិត្តិយសទាំងអស់មេត្តាបន្តការគាំទ្រ និងកិច្ចសហការល្អជាមួយបងប្អូនសហភាតាមេធាវី និងសូមជួយប្រើប្រាស់សេវារបស់មេធាវីឲ្យបានទូលំទូលាយផងដែរ។ ជាទីបញ្ចប់ ឯកឧត្តមប្រធាន បានគោរពជូនពរដល់គណៈអធិបតី បងប្អូនសហភាតាមេធាវី និងភ្ញៀវកិត្តិយសទាំងអស់ សូមទទួលបាននូវសេចក្តីសុខ សេចក្តីចម្រើន មានជ័យជំនះគ្រប់ភារកិច្ច ចៀសផុតពីជម្ងឺគ្រប់បែបយ៉ាង និងសូមប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់