ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី កេង សុម៉ាឡា និងលោកមេធាវី កេត ច័ន្ទម៉ានីន សមាជិកក្រុមប្រឹក្សាគណៈមេធាវី ចូលរួមក្នុងព្រះរាជពិធីបុណ្យអ៊ុំទូក បណ្តែតប្រទីប សំពះព្រះខែ និងអកអំបុក

នាថ្ងៃអាទិត្យ ១៤កើត ខែកត្តិត ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែវិច្ឆិកា ឆ្នាំ២០២៣ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក។ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី កេង សុម៉ាឡា និងលោកមេធាវី កេត ច័ន្ទម៉ានីន សមាជិកក្រុមប្រឹក្សាគណៈមេធាវី ចូលរួមក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក។ ក្នុងឱកាសនោះ គណៈមេធាវីនៃព្រះរាជាណាចក្រកម្ពុជា ក៏បានឧបត្ថម្ភព្រះរាជពិធីនេះ នូវទឹកសុទ្ធចំនួន ១២០កេស ភេសជ្ជៈចំនួន ១១១កេស និងថវិកាចំនួន ១.០០០.០០០(មួយលាន)រៀល ផងដែរ។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់