ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអនុញ្ញាតឱ្យ លោកមេធាវី នី វិចិត្រ សមាជិកគណៈមេធាវី​ ចូលជួបដេីម្បីប្រគល់សៀវភៅ «នីតិកម្មសិទ្ធិបញ្ញាកម្ពុជា» បោះពុម្ពលើកទី២ ឆ្នាំ២០២៤ ជូនគណៈមេធាវី ចំនួន ២០ក្បាល

នាព្រឹកថ្ងៃសុក្រ ១៤កើត ខែមាឃ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២៣ ខែកុម្ភៈ ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអនុញ្ញាតឱ្យ លោកមេធាវី នី វិចិត្រ សមាជិកគណៈមេធាវី ចូលជួបដេីម្បីប្រគល់សៀវភៅ «នីតិកម្មសិទ្ធិបញ្ញាកម្ពុជា» បោះពុម្ពលើកទី២ ឆ្នាំ២០២៤ ជូនគណៈមេធាវី ចំនួន ២០ក្បាល។ ឯកឧត្តមប្រធាន​ បានថ្លែងអំណរគុណ លោកមេធាវី នី វិចិត្រ ដែលបានចំណាយពេលវេលាដ៏មានតម្លៃ សរសេរនិងចងក្រងជាសៀវភៅនេះ និងបានប្រគល់ជូន គណៈមេធាវីដាក់តម្កល់ នៅបណ្ណាល័យ​ សម្រាប់ជាប្រយោជន៍ដល់ ការសិក្សាស្រាវជ្រាវច្បាប់ ពីសំណាក់សហភាតាមេធាវី សិស្សមេធាវី និងសាធារណជន។ យេីងរួមគ្នាដេីម្បីឧត្តមភាព និងកិត្យានុភាពនៃវិជ្ជាជីវៈមេធាវី។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់