ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ដឹកនាំប្រតិភូគណៈមេធាវីធ្វើទស្សនកិច្ចផ្លូវការនៅគណៈមេធាវីនៃប្រទេសឥណ្ឌា នៅទីក្រុងញូវដេលី ប្រទេសឥណ្ឌា

នាថ្ងៃពុធ ១១ រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែកក្កដា ឆ្នាំ២០២៤ តបតាមការអញ្ចើញរបស់លោក PRASHANT KUMAR ប្រធានគណៈមេធាវីនៃប្រទេសឥណ្ឌា ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ដឹកនាំប្រតិភូគណៈមេធាវីធ្វើទស្សនកិច្ចផ្លូវការនៅគណៈមេធាវីនៃប្រទេសឥណ្ឌា ចាប់ពីថ្ងៃទី៣១ ខែកក្កដា ដល់ ថ្ងៃទី៣ ខែសីហា ឆ្នាំ២០២៤។ ទស្សនកិច្ចផ្លូវការនៅគណៈមេធាវីនៃប្រទេសឥណ្ឌាធ្វើឡើងក្នុងគោលបំណងរឹតបន្តឹងចំណងមិត្តភាព និងកិច្ចសហប្រតិបត្តិការរវាងស្ថាប័នគណៈមេធាវីទាំងពីរ ជាពិសេសពិភាក្សាលើប្រធានសំខាន់ៗផ្សេងៗដូចជា៖ការអនុវត្តច្បាប់ទាក់ទងនឹងស្ត្រី និងកុមារនៅឥណ្ឌា និងកម្ពុជា” និង “ការដោះស្រាយវិវាទក្រៅប្រព័ន្ធតុលាការនៅកម្ពុជា និងឥណ្ឌា”។ ក្នុងកំឡុងទស្សនកិច្ចផ្លូវការនេះ ឯកឧត្តមប្រធាន នឹងដឹកនាំប្រតិភូគណៈមេធាវីធ្វើទស្សនកិច្ចនៅស្ថាប័នតុលាការសំខាន់ៗដូចជា តុលាការកំពូលនៃប្រទេសឥណ្ឌា តុលាការជាន់ខ្ពស់នៃរដ្ឋធានីដេលី និងទស្សនាប្រាសាទ Taj Mahal ។ ជាងនេះទៅទៀតស្ថាប័នគណៈមេធាវីទាំងពីរនឹងមានការប្រកួតវាយសីមិត្តភាពដែលនឹងមានការចូលរួមពីប្រតិភូគណៈមេធាវីនៃស្ថាប័នទាំងពីរ។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់