ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតី និងដឹកនាំកិច្ចប្រជុំក្រុមប្រឹក្សាគណៈមេធាវី អាណត្តិទី១០ លើកទី៧៣

នារសៀលថ្ងៃព្រហស្បតិ៍ ៧រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែតុលា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតី និងដឹកនាំកិច្ចប្រជុំក្រុមប្រឹក្សាគណៈមេធាវី អាណត្តិទី១០ លើកទី៧៣។ កិច្ចប្រជុំលើកទី៧៣ នេះ គឺជាកិច្ចប្រជុំលើកចុងក្រោយរបស់ក្រុមប្រឹក្សាគណៈមេធាវី អាណត្តិទី១០។ ក្នុងឱកាសនោះផងដែរ ឯកឧត្តមប្រធាន បានថ្លែងអំណរគុណចំពោះសមាជិក-សមាជិកាក្រុមប្រឹក្សាគណៈមេធាវីទាំងអស់ ដែលបានចូលរួមចំណែកក្នុងការកសាងនូវសមិទ្ធផលធំៗជាច្រើន និងបានចូលរួមយ៉ាងសកម្មក្នុងបុព្វហេតុលើកតម្កើងឧត្តមភាពនិងកិត្យានុភាពនៃវិជ្ជាជីវៈមេធាវី តាមរយៈការចូលរួមគ្រប់គ្រងវិជ្ជាជីវៈមេធាវីនិងគណៈមេធាវី និងការគាំទ្រចំពោះគោលនយោបាយរបស់ឯកឧត្តមប្រធានគណៈមេធាវី កន្លងមក។ ជាទីបញ្ចប់ ឯកឧត្តមប្រធាន បានជូនពរដល់សមាជិក-សមាជិកាក្រុមប្រឹក្សាទាំងអស់ សូមទទួលបាននូវសេចក្តីសុខ សេចក្តីចម្រើន មានជ័យជំនះគ្រប់ភារកិច្ច និងសូមប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គណៈមេធាវីនៃព្រះរាជាណាចក្រកម្ពុជា ⏬ JOIN!

A1 464480979 1071340924785128 8186100295457452159 n