លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា អញ្ជើញដឹកនាំកិច្ចប្រជុំត្រីមាសជាមួយប្រតិភូគណៈមេធាវី និងនាយកដ្ឋានការពារក្តីជូនជនក្រីក្រ

នារសៀលថ្ងៃចន្ទ ៣កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែធ្នូ ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា អញ្ជើញដឹកនាំកិច្ចប្រជុំ ត្រីមាសជាមួយប្រតិភូគណៈមេធាវីរាជធានី-ខេត្ត សាលាឧទ្ធរណ៍ភ្នំពេញ និងតុលាការកំពូល និងនាយកដ្ឋានការពារក្តីជូនជនក្រីក្ររបស់គណៈមេធាវី នៅទីស្នាក់ការគណៈមេធាវី។ អញ្ជើញចូលរួមក្នុងពិធីនោះ មានលោកអគ្គលេខាធិការ ថ្នាក់ដឹកនាំ ប្រធាន អនុប្រធាននាយកដ្ឋាន ចំណុះឱ្យអគ្គលេខាដ្ឋានគណៈមេធាវី ។ កិច្ចប្រជុំនេះផ្តោតសំខាន់ទៅលើ៖ ១-របាយការណ៍របស់នាយកដ្ឋានការពារក្តីជូនជនក្រីក្រ ២-ដោះស្រាយបញ្ហាប្រឈមនានារបស់ប្រតិភូគណៈមេធាវី ៣-សំណូមពរនិងដំណោះស្រាយ ចុងបញ្ចប់នៃកិច្ចប្រជុំ លោកប្រធាន បានការផ្តល់អនុសាសន៍ណែនាំមួយចំនួនដល់ប្រតិភូ និងនាយកដ្ឋានការពារក្តីជូនជនក្រីក្រដើម្បីយកទៅអនុវត្ត ។

• មុន
• បន្ទាប់