គណៈមេធាវីនៃព្រះរាជាណាចក្រកម្ពុជា ទទួលអំណោយពី លោកមេធាវី ហ៊ឹប ណារិទ្ធិ ប្រធានមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងលោកស្រីមេធាវី តេង រិទ្ធីវ័ន ប្រធានក្រុមមេធាវី ស្កាយវន្ត

នារសៀល ថ្ងៃពុធ ៥កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែធ្នូ ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញទទួលអំណោយពី លោកមេធាវី ហ៊ឹប ណារិទ្ធិ ប្រធានមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងលោកស្រីមេធាវី តេង រិទ្ធីវ័ន ប្រធានក្រុមមេធាវី ស្កាយវន្ត នូវអង្ករចំនួន ២ តោន។ លោកប្រធានបានថ្លែងអំណរគុណ លោកមេធាវី ហ៊ឹប ណារិទ្ធិ និងលោកស្រីមេធាវី តេង រិទ្ធីវ័ន ដែលបានផ្ដល់នូវអំណោយខាងលើជូនដល់គណៈមេធាវីនៃព្រះរាជាណាចក្រកម្ពុជា ដើម្បីចាត់ចែងជួយដល់កងទ័ព ក៍ដូចជាពលរដ្ឋភៀសសឹក នៅក្នុងគ្រាលំបាកនេះ។ លោកប្រធានបានជូនពរលោកមេធាវី ហ៊ឹប ណារិទ្ធិ និងលោកស្រីមេធាវី តេង រិទ្ធីវ័ន សូមឱ្យជួបប្រទះតែសេចក្តីសុខ និងសម្រេចជោគជ័យគ្រប់ភារកិច្ច។

• បន្ទាប់