នាល្ងាចថ្ងៃអង្គារ ១០កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញទៅគោរពវិញ្ញាណក្ខន្ធសពលោកជំទាវមហាឧបាសិកា ឈា ឡាង ត្រូវជាម្តាយរបស់លោកមេធាវី ម៉ុក ច័ន្ទសុធា។ ក្នុងឳកាសនោះក៏បាននាំយកសារលិខិតរំលែកមរណទុក្ខ និងថវិកាមួយចំនួនចូលបច្ច័យក្នុងពិធីបុណ្យដែលប្រារព្ធនៅភូមិគ្រឹះ ឯកឧត្តមបណ្ឌិត ម៉ុក ម៉ារ៉េត ភូមិស្វាយអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។