ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ដឹកនាំគណប្រតិភូគណៈមេធាវីធ្វើទស្សនកិច្ចនៅគណៈមេធាវីនៃតុលាការជាន់ខ្ពស់នៃរដ្ឋធានីដេលី (Delhi High Court Bar Association)

ថ្ងៃសុក្រ ១៣ រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២ ខែសីហា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានដឹកនាំគណប្រតិភូគណៈមេធាវីធ្វើទស្សនកិច្ចនៅគណៈមេធាវីនៃតុលាការជាន់ខ្ពស់នៃរដ្ឋធានីដេលី ក្នុងឱកាសនៃដំណើរទស្សនកិច្ចផ្លូវការនៅប្រទេសឥណ្ឌា។ ក្នុងអំឡុងពេលនៃទស្សកិច្ចនេះ ឯកឧត្តមប្រធាន និងគណប្រតិភូគណៈមេធាវីបានទទួលនូវការស្វាគមន៍យ៉ាងកក់ក្តៅពីប្រធានគណៈមេធាវីនៃតុលាការជាន់ខ្ពស់នៃរដ្ឋធានីដេលីលោកមេធាវី MOHIT MATHUR ថ្នាក់ដឹកនាំ ព្រមទាំងសហភាតាជាមេធាវីដែលជាសមាជិកនៃគណៈមេធាវីនៃតុលាការជាន់ខ្ពស់នៃរដ្ឋធានីដេលី។ ឆ្លៀតក្នុងឱកាសនោះដែរ ឯកឧត្តមប្រធានក៏បានជម្រាបអំពីសវតា ក៏ដូចជាទំទាក់ទំនង និងកិច្ចសហប្រតិបត្តិការទ្វេភាគីរវាងស្ថាប័នវិជ្ជាជីវៈមេធាវីក្នុងយុត្តាធិការទាំងពីរគន្លងមក និងបានបានសម្តែងនូវក្តីសោមនស្សរីករាយ និងសូមថ្លែងអំណរគុណយ៉ាងជ្រាលជ្រៅជូនចំពោះ លោកមេធាវី MOHIT MATHUR ប្រធានគណៈមេធាវី ដែលបានផ្តល់កិត្តិយស និងអនុញ្ញាតឱ្យប្រតិភូគណៈមេធាវីបានទស្សនកិច្ចនាឱកាសនេះ។ សូមបញ្ជាក់ថាបន្ទាប់ពីការបង្កើតតុលាការជាន់ខ្ពស់នៃរដ្ឋធានីដេលីក្នុងខែតុលា ឆ្នាំ ១៩៦៦ គណៈមេធាវីនៃតុលាការជាន់ខ្ពស់នៃរដ្ឋធានីដេលីត្រូវបានបង្កើតឡើងតំណាងឱ្យមេធាវីដែលជាគោលការណ៍កំពុងតំណាង និងអនុត្តច្បាប់នៅតុលាការជាន់ខ្ពស់នៃរដ្ឋធានីដេលី។ បច្ចុប្បន្នមេធាវីដែលជាសមាជិកនៃគណៈមេធាវីនៃតុលាការជាន់ខ្ពស់នៃរដ្ឋធានីដេលីមានចំនួន ១៥.៥០០ ដែលជាចំនួនមួយដែលច្រើនបំផុតនៅក្នុងប្រទេស។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់