ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ដឹកនាំគណប្រតិភូគណៈមេធាវីចូលរួមក្នុងកម្មវិធីការប្រកួតវាយសីមិត្តភាពជាមួយមេធាវីនៃគណៈមេធាវីប្រទេសឥណ្ឌា និងចៅក្រមនៃតុលាការជាន់ខ្ពស់នៃរដ្ឋធានីដេលី

ថ្ងៃសុក្រ ១៣ រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២ ខែសីហា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជាបានដឹកនាំគណប្រតិភូគណៈមេធាវីចូលរួមក្នុងកម្មវិធីការប្រកួតវាយសីមិត្តភាពជាមួយមេធាវីនៃគណៈមេធាវីប្រទេសឥណ្ឌា និងចៅក្រមនៃតុលាការជាន់ខ្ពស់នៃរដ្ឋធានី នៅទីក្រុងញូវដេលី ប្រទេសឥណ្ឌា។ កម្មវិធីប្រកួតវាយសីមិត្តភាពនេះ ត្រូវបានរៀបចំឡើងក្នុងគោលបំណងពង្រឹងសាមគ្គីភាព និងសហប្រតិបត្តិការរវាងស្ថាប័នវិជ្ជាជីវៈ ក៏ដូចជាចូលរួមលើកម្ពស់សុខុមាលភាពតាមរយៈកីឡាវាយសី។ ការប្រកួតបានប្រព្រឹត្តទៅប្រកបដោយភាពសប្បាយរីករាយ សម្រែកគាំទ្រ ការផ្លាស់ប្តូរអាវកីឡា ថតរូប និងផ្លាស់ប្តូរវត្ថុអនុស្សាវរីយ៍ទៅវិញទៅមករវាងស្ថាប័នគណៈមេធាវីទាំងពីរ និងតុលាការជាន់ខ្ពស់នៃរដ្ឋធានីដេលី។

គណៈមេធាវីនៃព្រះរាជាណាចក្រកម្ពុជា ⏬ JOIN!

• មុន
• បន្ទាប់