លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី គីម សុជាតិ អគ្គលេខាធិការគណៈមេធាវី ដឹកនាំក្រុមការងារគណៈមេធាវី ចុះសួរសុខទុក្ខ និងនាំយកនូវមូលនិធិសុខុមាលភាពប្រភេទទុព្វលភាព រួមទាំងកន្ដ្រកផ្លែឈើ ជូនលោកមេធាវី សឺន ជុំជួន ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត

នារសៀល ថ្ងៃអង្គារ ៥កើត ខែមិគសិរ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៥ ខែវិច្ឆិកា ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី គីម សុជាតិ អគ្គលេខាធិការគណៈមេធាវី ដឹកនាំក្រុមការងារគណៈមេធាវី ចុះសួរសុខទុក្ខ និងនាំយកនូវមូលនិធិសុខុមាលភាពប្រភេទទុព្វលភាព និងកន្ដ្រកផ្លែឈើជូនលោកមេធាវី សឺន ជុំជួន ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ក្នុងឱកាសនោះ លោកអគ្គលេខាធិការ បានពាំនាំនូវការផ្តាំផ្ញើ ការសាកសួរសុខទុក្ខ ពីសំណាក់លោកប្រធានគណៈមេធាវី ជូនចំពោះលោកមេធាវី សឺន ជុំជួន និងបានជូនពរលោកមេធាវី សូមឆាប់បានធូរស្បើយពីជម្ងឺ ។ លោកមេធាវី សឺន ជុំជួន បានសម្តែងនូវក្តីរំភើបរីករាយចំពោះទឹកចិត្តរបស់លោកប្រធាន និងសមាជិកគណៈមេធាវី ព្រមទាំងក្រុមការងារគណៈមេធាវី ដែលបានយកចិត្តទុកដាក់ចំពោះរូបលោក ក៏ដូចជាបានជួយឧបបត្ថម្ភជាថវិកាសម្រាប់សម្រាលបន្ទុកលើការព្យាបាលរបស់លោកផងដែរ ។ លោកមេធាវី សឺន ជុំជួន ក៏បានជូនពរ លោកប្រធានគណៈមេធាវី ​ព្រមទាំងក្រុមការងារទាំងអស់ សូមបានសម្រេចគ្រប់ភារកិច្ច ដើម្បីវិបុលភាពនៃវិជ្ជាជីវៈមេធាវី។

• Next