កិច្ចប្រជុំអំពីការអភិវឌ្ឍគេហទំព័រ និងកម្មវិធីទូរស័ព្ទរបស់គណៈមេធាវីនៃព្រះរាជាណាចក្រកម្ពុជា (លើកទី២)

នាព្រឹក ថ្ងៃអង្គារ ៣រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៦ ខែមករា ឆ្នាំ២០២៦ គណៈមេធាវីនៃព្រះរាជាណាចក្រកម្ពុជា បានរៀបចំកិច្ចប្រជុំអំពីការអភិវឌ្ឍគេហទំព័រនិងកម្មវិធីទូរស័ព្ទដៃរបស់គណៈមេធាវីនៃព្រះរាជាណាចក្រកម្ពុជា (BAKC's Website and Mobile App Development) ដឹកនាំដោយលោកមេធាវី គីម សុជាតិ អគ្គលេខាធិការនៃអគ្គលេខាធិការដ្ឋានគណៈមេធាវី និងមានការចូលរួមពីថ្នាក់នាំនៃអគ្គលេខាធិការដ្ឋាន ព្រមទាំងអ្នកជំនាញ។ កិច្ចប្រជុំនេះ ធ្វើឡើងក្នុងគោលបំណងប្រមូលព័ត៌មានលម្អិតអំពីគោលបំណងនៃការធ្វើបន្ទាន់សម័យគេហទំព័រនិងកម្មវិធីទូរស័ព្ទដៃរបស់គណៈមេធាវី តាមរយៈការឆ្លើយនូវសំណួររបស់អ្នកបច្ចេកទេសពីសំណាក់ថ្នាក់ដឹកនាំនៃអគ្គលេខាធិការដ្ឋានគណៈមេធាវី។ ក្រោយបញ្ចប់កិច្ចប្រជុំនេះ ក្រុមការងារបច្ចេកទេសនឹងធ្វើការរចនាទម្រង់ថ្មីមួយនៃគេហទំព័រនិងកម្មវិធីទូរស័ព្ទដៃដាក់ជូនក្រុមការងារគណៈមេធាវីធ្វើការពិនិត្យនិងផ្តល់យោបល់។

A2 612441855 1417110903541460 1043558982595542369 n