នៅល្ងាចថ្ងៃសុក្រ ១២កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៧ ខែវិច្ឆិកា ឆ្នាំ២០២០ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា

បានដឹកនាំប្រតិភូគណៈមេធាវី រួមមានសមាជិកក្រុមប្រឹក្សាគណៈមេធាវី មន្រ្តីនៃអគ្គលេខាធិការដ្ឋានគណៈមេធាវី ព្រមទាំងប្រតិភូគណៈមេធាវីនិងមេធាវីប្រចាំខេត្តកំពង់ចាម ចូលរួមដាក់កម្រងផ្កាគោរពវិញ្ញាណក្ខន្ធសពរបស់ឧបាសក ឈរ ជាង ដែលត្រូវជាឪពុករបស់លោកមេធាវី ឈរ លីថៃ សមាជិកក្រុមប្រឹក្សាគណៈមេធាវី។ ក្នុងឳកាសនោះឯកឧត្តមបានថ្លែងរំលែកទុក្ខជាមួយក្រុមគ្រួសារនៃសពនិងនាំយកថវិកាមួយចំនួនចូលបច្ច័យក្នុងពិធីបុណ្យដែលប្រារព្ធនៅក្រុងកំពង់ចាម។

• Prev
• Next