នៅថ្ងៃពុធ ៣រោច ខែមិគសិរ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី២២ ខែធ្នូ ឆ្នាំ២០២១ វេលាម៉ោង១០ព្រឹក ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា

បានដឹកនាំប្រតិភូគណៈមេធាវីចូលជួបសម្តែងការគួរសមនិងពិភាក្សាការងារពាក់ពាក់ព័ន្ធនឹងការស្នើសុំបង្កើតការិយាល័យប្រតិភូគណៈមេធាវីប្រចាំតុលាការកំពូលជាមួយឯកឧត្តមកិត្តិនីតិកោសលបណ្ឌិត ឌិត មុន្ទី ប្រធានតុលាការកំពូលជាលទ្ធផលនៃកិច្ចពិភាក្សាការងារឯកឧត្តមកិត្តិនីតិកោសលបណ្ឌិតបានវាយតម្លៃខ្ពស់និងកោតសរសើរសមិទ្ធផលការងារយ៉ាងច្រើនដែលឯកឧត្តម លី ច័ន្ទតុលា សម្រេចបានក្នុងរយៈពេល១ឆ្នាំកន្លងមកនេះនិងបានឯកភាពលើការរៀបចំឱ្យមានការិយាល័យប្រតិភូគណៈមេធាវីប្រចាំតុលាការកំពូលតាមសំណើរបស់ ឯកឧត្តម លី ច័ន្ទតុលា ប្រធានគណៈមេធាវី និងបានប្រគល់បន្ទប់មួយនៅតុលាការកំពូល ដែលបានរៀបចំរួចជាស្រេចជូនដល់គណៈមេធាវី ដើម្បីរៀបចំជាការិយាល័យប្រតិភូ។ គណៈមេធាវីសូមថ្លែងអំណរគុណយ៉ាងជ្រាលជ្រៅចំពោះឯកឧត្តមកិត្តិនីតិកោសលបណ្ឌិតប្រធានតុលាការកំពូលដែលបានអនុញ្ញាតឱ្យប្រតិភូគណៈមេធាវីចូលជួបសម្តែងការគួរសមនិងពិភាក្សាការងារព្រមទាំងបានប្រគល់បន្ទប់សម្រាប់រៀបចំជាការិយាល័យប្រតិភូគណៈមេធាវីប្រចាំតុលាការកំពូល។

• Prev
• Next