នារសៀលថ្ងៃសុក្រ ៨រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែមីនា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា

បានចូលរួមជាអធិបតីនិងបើកសិក្ខាសាលាលើកទី២ស្តីពី «ការផ្សព្វផ្សាយច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ»ដល់សហភាតាជាមេធាវី ។ សិក្ខាសាលាលើកទី២នេះ បានប្រារព្ធធ្វើឡើងដោយផ្ទាល់នៅទីស្នាក់ការគណៈមេធាវីនៃព្រះរាជាណាចក្រកម្ពុជា ដោយមានសិក្ខាកាមជាមេធាវីវគ្គសុក្រឹត្យការទី១១ចូលរួមចំនួន ៩២នាក់ និងសមាជិកមេធាវីជាគ្រូបង្គោលចំនួន១០ នាក់ចូលរួមផងដែរ។ គួរបញ្ជាក់ផងដែរថា ការផ្សព្វផ្សាយច្បាប់នេះដល់សហភាតាជាមេធាវីគឺមានសារសំខាន់ណាស់ ពីព្រោះច្បាប់នេះបានកំណត់វិជ្ជាជីវៈមេធាវីគឺជាបុគ្គលរាយការណ៍ ក្នុងចំណោមវិជ្ជាជីវៈដទៃផ្សេងទៀត ដែលមានកាតព្វកិច្ចរាយការណ៍មួយចំនួនដូចមានចែងក្នុងច្បាប់ ហើយគណៈមេធាវីជាស្ថាប័នត្រួតពិនិត្យ ចំណែកមេធាវីជាបុគ្គលរាយការណ៍ ។

• Prev
• Next