នាវេលាម៉ោង២រសៀលថ្ងៃព្រហស្បត្តិ៍ ៩រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៣ ខែមិថុនា ឆ្នាំ២០២២ លោកមេធាវី សូ មូស្សេន្នី ប្រធាននាយកដ្ឋានស្រាវជ្រាវ បោះពុម្ព និងផ្សព្វផ្សាយនៃគណៈមេធាវីនៃព្រះរាជាណាចក្រកម្ពុជា បានរៀបចំកិច្ចប្រជុំពិភាក្សាជាមួយ គណៈកម្មការកិច្ចការការងារ តាមប្រព័ន្ធអនឡាញ ZOOM Meeting ដោយមានរបៀបវារៈចំនួន ៣ ដូចជា៖

១-ពិភាក្សាលើពង្រាងបទបញ្ជាផ្ទៃក្នុងរបស់គណៈកម្មការកិច្ចការងារ

២-កំណត់អំពីផែនការ ពេលវេលា ប្រធានបទ ស្នើសុំ ឬចាត់តាំងសមាជិក-សមាជិកាគណៈកម្មការដើម្បីចូលរួមជាវាគ្មិនក្នុងកម្មវិធីជជែកអំពីច្បាប់របស់ BTV ការសរសេរអត្ថបទសម្រាប់ព្រឹត្តិបត្រគណៈមេធាវី និងកម្មវិធីផ្សេងទៀតរបស់គណៈមេធាវី ដែលពាក់ព័ន្ធនឹងវិស័យការងារ។

៣-កំណត់ពេលសម្រាប់កិច្ចប្រជុំនាថ្ងៃខាងមុខ។