ក្នុងកម្មវិធីសិក្ខាសាលានេះ មានការអញ្ជើញចូលរួមមតិសំណេះសំណាលដោយលោកជំទាវ សេង វួចហ៊ុន ប្រធានសមាគមកម្មសិទ្ធិបញ្ញាកម្ពុជា ឯកឧត្តម ភោគ សុវណ្ណរិទ្ធ រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម ជាប្រធានលេខាធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា និងជាប្រធាននាយកដ្ឋានកម្មសិទ្ធិបញ្ញា ព្រមទាំងមានវត្តមានចូលរួមដោយវាគ្មិនកិត្តិយស ឯកឧត្តម នី វិចិត្រ ជាមេធាវី និងជាទីប្រឹក្សាសមាគមកម្មសិទ្ធិបញ្ញាកម្ពុជា លោក តូ រិត អនុប្រធាននាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម ឯកឧត្តម ង៉ែត វិបុល អគ្គនាយករង និងជាទីប្រឹក្សាក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងឯកឧត្តម ឧត្តមសេនីយ៍ទោ កែវ ហុកលី អនុប្រធានលេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតផលក្លែងក្លាយ។

ក្នុងឱកាសនេះ ឯកឧត្តមប្រធាន បានធ្វើការថ្លែងសុន្ទរកថា បង្ហាញអំពីទិសដៅការងារសំខាន់ៗរបស់គណៈមេធាវី និងកិច្ចសហការរវាងគណៈមេធាវី នៃព្រះរាជាណាចក្រកម្ពុជា និងស្ថាប័នជាតិ ព្រមទាំងអន្តរជាតិនានា ជាពិសេសកិច្ចសហការរវាងគណៈមេធាវីនៃព្រះរាជាណាចក្រកម្ពុជា និងសមាគមកម្មសិទ្ធិបញ្ញាកម្ពុជា ស្របតាមអនុស្សារណៈយោគយល់គ្នា ដែលបានចុះកាលពីថ្ងៃទី៣០ ខែកញ្ញា ឆ្នាំ២០២១ និងណែនាំដល់សហភាតាមេធាវីឱ្យយកចិត្តទុកដាក់ប្រឹងប្រែងបង្កើនសមត្ថភាពបន្ថែមទៀតពាក់ព័ន្ធនឹងវិស័យកម្មសិទ្ធិបញ្ញា ដើម្បីពង្រឹងនិងពង្រីកចំណេះដឹងក្នុងគោលដៅលើកកម្ពស់ឧត្តមភាព និងកិត្យានុភាពនៃវិជ្ជាជីវៈមេធាវី។

សូមភ្ជាប់ជូននូវខ្លឹមសារទាំងស្រុងនៃសុន្ទរកថាបើកកម្មវិធីសិក្ខាសាលារបស់ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា។ សូមអរគុណ