ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញចូលរួមជាអធិបតីភាពក្នុងកម្មវិធីផ្សព្វផ្សាយច្បាប់ ស្តីពី «វិជ្ជាជីវៈមេធាវីក្នុងសង្គម» របស់សិស្សមេធាវីជំនាន់ទី១៨ នៅសាលាស្រុកស្ទឹងហាវ ខេត្តព្រះសីហនុ

នារសៀលថ្ងៃចន្ទ ១១កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៨ ខែសីហា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញចូលរួមជាអធិបតីភាពក្នុងកម្មវិធីផ្សព្វផ្សាយច្បាប់ ស្តីពី «វិជ្ជាជីវៈមេធាវីក្នុងសង្គម» របស់សិស្សមេធាវីជំនាន់ទី១៨ នៅសាលាស្រុកស្ទឹងហាវ ខេត្តព្រះសីហនុដោយមានវត្តមានចូលរួមដោយលោក ជាវ វិជ្ជាក់ អភិបាលរងនៃគណៈអភិបាលខេត្តព្រះសីហនុ តំណាងដ៏ខ្ពង់ខ្ពស់ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ ក្រុមប្រឹក្សាគណៈមេធាវី ថ្នាក់ដឹកនាំគណៈមេធាវី ថ្នាក់ដឹកនាំមជ្ឈមណ្ឌលបណ្តុះបណ្តាលវិជ្ជាជីវៈមេធាវី លោកអភិបាលស្រុកស្ទឹងហាវ លោកប្រធានក្រុមប្រឹក្សាស្រុកស្ទឹងហាវ លោកអធិការនគរបាលស្រុកស្ទឹងហាវ លោកមេបញ្ជាការកងរាជអាវុធហត្ថស្រុកស្ទឹងហាវ និងមន្រ្តីសាលាស្រុកមួយចំនួន ព្រមទាំងប្រជាពលរដ្ឋចំនួន ៩០នាក់ ផងដែរ។