នាល្ងាចថ្ងៃអាទិត្យ ១រោច ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១១ ខែកញ្ញា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវី នៃព្រះរាជាណាចក្រកម្ពុជា និងជាប្រធានគណៈកម្មការកីឡាគណៈមេធាវី និងលោកជំទាវ ឈីវ ភិរម្យ បានអញ្ជើញចូលរួមជាអធិបតីក្នុងពិធីបិទការប្រកួតវាយសីពានរង្វាន់គណៈមេធាវីលើកទី១ ដោយមានវត្តមានចូលរួមរបស់សមាជិក-សមាជិកាក្រុមប្រឹក្សាគណៈមេធាវី អភិបាលនៃគណៈអភិបាលខណ្ឌមានជ័យ គណៈគ្រប់គ្រង បុរី អរ & អេហ្វ គ្រុប ប្រធានកិត្តិយស ប្រធាន អនុប្រធាន សមាជិកអនុគណៈកម្មការកីឡាវាយសីគណៈមេធាវី ក្រុមការងាររៀបចំកម្មវិធីប្រកួតកីឡាវាយសីពានរង្វាន់គណៈមេធាវី ភ្ញៀវកិត្តិយស និងកីឡាករ-កីឡាការិនី ជិត២០០នាក់។

លោកមេធាវី គឹម វាសនា ប្រធានអនុគណៈកម្មការកីឡាវាយសីគណៈមេធាវី បានរាយការណ៍អំពីរបាយការណ៍បូកការងាររបស់អនុគណៈកម្មការកីឡាវាយសីគណៈមេធាវី និងអំពីកីឡាករ-កីឡាការិនី ដែលទទួលបានជ័យលាភីក្នុងការប្រកួតកីឡាវាយសីពានរង្វាន់គណៈមេធាវីនេះផងដែរ ជាអាទិ៍៖

ពានរង្វាន់កិត្តិយស

• លេខ ១ បានទៅលើ ឯកឧត្តម លីច័ន្ទតុលា និង លោកមេធាវី លី រដ្ឋធី

• លេខ ២ បានទៅលើ ឯកឧត្តម សេង ប៊ុនឃាង និង ឯកឧត្តម អ៉ីវ បូរិន្ទ

ពានរង្វាន់ជ័យលាភី

• លេខ ១ បានទៅលើ លោកមេធាវី ទូច ធីរិទ្ធ និង លោកមេធាវី ហ៊ិន ពិណ្ណារិទ្ធ

• លេខ ២ បានទៅលើ លោកមេធាវី ជួន ភិរុណ និង លោកមេធាវី អ៉ីវ ប៉ូលី

• លេខ ៣ បានទៅលើ លោកមេធាវី យិច ពុទ្ធិកោសល្យ លោកមេធាវី តាំង គក់

ពានរង្វាន់ All Star នារី

• លេខ ១ បានទៅលើ លោកស្រីមេធាវី ទ្រី ស្រីលក្ខណ៍ និង លោកស្រីមេធាវី មាស ស៊ីថន

• លេខ ២ បានទៅលើ លោកស្រីមេធាវី ងួន មករា និង លោកមេធាវី ប៉ែន សុវណ្ណនី

ពានរង្វាន់ All Star បុរស

• លេខ ១ បានទៅលើ លោកមេធាវី ឡុង ឈុនហៃ និង លោកមេធាវី រ៉េត សារិន

• លេខ ២ បានទៅលើ លោកមេធាវី ហុង វ៉ាន់វឌ្ឍនា និងលោកមេធាវី គឹម រ័ត្នណារ៉ុង

• លេខ ៣ បានទៅលើ លោកមេធាវី ហ៊ត អ៊ាងហុង និង លោកមេធាវី ភោគ ពៅ

នៅក្នុងឱកាសនោះដែរ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានថ្លែងចំណាប់អារម្មណ៍ និងបានធ្វើការវាយតម្លៃខ្ពស់អំពីលទ្ធផលនៃការប្រកួតវាយសីពានរង្វាន់គណៈមេធាវី លើកទី១ ដែលប្រព្រឹត្តទៅដោយជោគជ័យ រីករាយ ភាតរភាព សាមគ្គីភាពផ្ទៃក្នុងស្របតាមគោលបំណងដែល ឯកឧត្តមប្រធាន បានបង្កើត និងមានចំនួនអ្នកចូលរួមទាំងបីថ្ងៃសរុប ៩៥០នាក់ ។ ការរៀបចំឱ្យមានការប្រកួតកីឡាវាយសីពានរង្វាន់គណៈមេធាវីនេះ បានចូលរួមចំណែកជួយលើកកម្ពស់វិស័យកីឡា ព្រមទាំងលើកតម្កើងឧត្តមភាព និងកិត្យានុភាពនៃវិជ្ជាជីវៈមេធាវី។

ជាចុងក្រោយ ឯកឧត្តមប្រធាន បានថ្លែងអំណរគុណចំពោះក្រុមហ៊ុន អរ & អេហ្វ គ្រុប និងសប្បុរសជនជាច្រើនទៀតដែលបានឧបត្ថម្ភនៅក្នុងកម្មវិធី និងបានជូនពរដល់សមាជិក-សមាជិកាក្រុមប្រឹក្សាគណៈមេធាវី អភិបាលនៃគណៈអភិបាលខណ្ឌមានជ័យ គណៈគ្រប់គ្រង បុរី អរ & អេហ្វ គ្រុប ប្រធានកិត្តិយស ប្រធាន អនុប្រធាន សមាជិកអនុគណៈកម្មការកីឡាវាយសីគណៈមេធាវី ក្រុមការងាររៀបចំកម្មវិធីប្រកួតកីឡាវាយសីពានរង្វាន់គណៈមេធាវី ភ្ញៀវកិត្តិយស និងកីឡាករ-កីឡាការិនីទាំងអស់ សូមជួបប្រទះតែសេចក្តីសុខ សេចក្តីចម្រើន និងជោគជ័យគ្រប់ភារកិច្ចការងារ ព្រមទាំងសូមជួបតែពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គណៈមេធាវីនៃព្រះរាជាណាចក្រកម្ពុជា JOIN!