ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោក ឌិន ស៊ីដែន អគ្គលេខាធិការរងគណៈមេធាវី ចូលរួមមហាសន្និបាតលើកទី១០ របស់មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.)

នាថ្ងៃសៅរ៍ ៧កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៦ ខែមីនា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោក ឌិន ស៊ីដែន អគ្គលេខាធិការរងគណៈមេធាវី ចូលរួមជាតំណាងគណៈមេធាវីដែលជាសមាជិកនីតិបុគ្គលនៅក្នុងមហាសន្និបាតលើកទី១០ របស់មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) នៅសណ្ឋាគារ Hyatt Regency Phnom Penh។ មហាសន្និបាតនេះធ្វើឡើងក្រោមអធិបតីភាព លោកមជ្ឈត្តករ សាន គីរី និងមានការអញ្ជើញចូលរួមពីសំណាក់សមាជិកមជ្ឈត្តករ និងសមាជិកជានីតិបុគ្គល។ គណៈមេធាវីត្រូវបានកំណត់ជាសមាជិកនីតិបុគ្គលរបស់ ម.ជ.ម. អនុលោមតាមមាត្រា១២នៃច្បាប់ស្តីពីមជ្ឈត្តការពាណិជ្ជកម្ម។ ក្រោមការដឹកនាំរបស់ ឯកឧត្តម លី ច័ន្ទតុលា គណៈមេធាវីបានចុះអនុស្សរណៈយោគយល់ជាមួយ ម.ជ.ម. រៀបចំសិក្ខាសាលារួមគ្នា និងចូលរួមកម្មវិធីទៅវិញទៅមកក្នុងន័យចូលរួមផ្សព្វផ្សាយអំពីមជ្ឈត្តការពាណិជ្ជកម្មទៅកាន់សមាជិកមេធាវី និងសាធារណៈផងដែរ។

គណៈមេធាវីនៃព្រះរាជាណាចក្រកម្ពុជា ⏬ JOIN!

E1 432744481 923913929527829 7120516351427713753 n