ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងមតិស្វាគមន៍ ក្នុងកម្មវិធីចែករំលែក ស្តីពី «សុខភាពផ្លូវកាយ ផ្លូវចិត្តសម្រាប់ស្រី្តធ្វើការ»

នាថ្ងៃព្រហស្បតិ៍ ៨រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែឧសភា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងមតិស្វាគមន៍ ក្នុងកម្មវិធីចែករំលែក ស្តីពី «សុខភាពផ្លូវកាយ ផ្លូវចិត្តសម្រាប់ស្រី្តធ្វើការ» ដោយមានការអញ្ជើញចូលរួមជាវាគ្មិនកិត្តិយសពីលោកជំទាវ ជា វាសនា រដ្ឋលេខាធិការក្រសួងយុត្តិធម៌ ព្រមទាំងសិក្ខាកាមជាស្រ្តីចូលរួមដោយផ្ទាល់សរុបចំនួន ៤៥ នាក់។ ក្នុងឱកាសនេះ ឯកឧត្តមប្រធាន បានថ្លែង ជម្រាបអំពីគោលបំណងនៃការចែករំលែក និងសំណូមពរឱ្យសិក្ខាកាមទាំងអស់យកចិត្តទុកដាក់ ត្រងត្រាប់ស្តាប់ និងកត់ត្រានូវចំណុចសំខាន់ៗដែលវាគ្មិនកិត្តិយសបានធ្វើបទបង្ហាញ និងសូមរួមគ្នាដើម្បីឧត្តមភាពនិងកិត្យានុភាពនៃវិជ្ជាជីវៈមេធាវី។

E1 444959983 970444711541417 3340633559480231938 n