ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់តាំងលោកមេធាវី អ៉ឹង កិរិយា សមាជិកក្រុមប្រឹក្សាគណៈមេធាវី ដឹកនាំប្រតិភូគណៈមេធាវី ទៅចូលរួមជាតំណាងដ៏ខ្ពង់ខ្ពស់ក្នុងកិច្ចប្រជុំលើកទី៣៤ របស់សមាគមប្រធានគណៈមេធាវីក្នុងទ្វីបអាស៊ី (34th POLA SUMMIT ) នៅទីក្រុងហុងកុង

នាព្រឹកថ្ងៃពុធ ១៤រោច ខែពិសាខ ឆ្នាំរោង ឆស័ក ព.ស.២៥៦៨ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់តាំងលោកមេធាវី អ៉ឹង កិរិយា សមាជិកក្រុមប្រឹក្សាគណៈមេធាវី ដឹកនាំប្រតិភូគណៈមេធាវី រួមមានលោកមេធាវី គឹម វាសនា សមាជិកក្រុមប្រឹក្សាគណៈមេធាវី និងលោកមេធាវី ប៊ុន ណាវីណា ជំនួយការប្រធានគណៈមេធាវី ទៅចូលរួមជាតំណាងដ៏ខ្ពង់ខ្ពស់ក្នុងកិច្ចប្រជុំលើកទី៣៤ របស់សមាគមប្រធានគណៈមេធាវីក្នុងទ្វីបអាស៊ី (34th POLA SUMMIT)។ សូមបញ្ជាក់បន្ថែមផងដែរថា ពាក្យ POLA មកពីពាក្យ Presidents of Law Associations in Asia។ កិច្ចប្រជុំនេះ ប្រារព្ធធ្វើឡើងចំនួន ៣ថ្ងៃ គឺចាប់ពីថ្ងៃទី៦ ដល់ទី៨ ខែមិថុនា ឆ្នាំ២០២៤ នៅទីក្រុងហុងកុង។

គណៈមេធាវីនៃព្រះរាជាណាចក្រកម្ពុជា ⏬ JOIN

• Prev
• Next