នៅថ្ងៃចន្ទ ៦រោច ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១ នៅទីស្នាក់ការគណៈមេធាវីនៃព្រះរាជាជាណាចក្រកម្ពុជា ឯកឧត្តម លី ច័ន្ទតុលា

ប្រធានគណៈមេធាវីនៃព្រះរាជាណាចក្រកម្ពុជា បានទទួលជួបសំណេះសំណាលជាមួយលោកមេធាវី ធួន សុធា បេក្ខជនឈរឈ្មោះក្រុមប្រឹក្សាគណៈមេធាវី អាណត្តិទី១០ (២០២១-២០២៤)។

ក្នុងជំនួបនោះ លោកមេធាវី ធួន សុធា និងសហការី បាននាំយកថវិការបស់ការិយាល័យមេធាវី ណាច ទ្រី ចំនួន ៥០០០ (ប្រាំពាន់)ដុល្លារអាមេរិក ឧបត្ថម្ភជូនគណៈមេធាវី ដើម្បីរៀបចំមហាសន្និបាតប្រចាំឆ្នាំលើកទី២៦ របស់គណៈមេធាវី។

ឯកឧត្តមប្រធាន បានថ្លែងអំណរគុណចំពោះទឹកចិត្តដ៏ថ្លៃថ្លារបស់ការិយាល័យមេធាវី ណាច ទ្រី ដែលបានចូលរួមជួយឧបត្ថម្ភដល់គណៈមេធាវី ក៏ដូចជាលើកស្ទួយឧត្តមភាពនិងកិត្យានុភាពនៃវិជ្ជាជីវៈមេធាវី។