ក្នុងឱកាសនោះ ឯកឧត្តមប្រធាន បានធ្វើកិច្ចស្វាគមន៍ និងណែនាំដល់សមាជិក-សមាជិកាក្រុមអធិការទាំងអស់ឱ្យយកចិត្តទុកដាក់ប្រឹងប្រែង និងពង្រឹងការចុះធ្វើអធិការកិច្ច ដោយគោរពអនុវត្តឱ្យបានខ្ជាប់ខ្ជួនតាមសេចក្តីសម្រេចលេខ ១១៦ សសគម ច្បាប់ស្តីពីលក្ខន្តិកៈមេធាវី ក្រមសីលធម៌វិជ្ជាជីវៈមេធាវី និងបទបញ្ជាផ្ទៃក្នុង ដើម្បីលើកកម្ពស់ឧត្តមភាព និងកិត្យានុភាពនៃវិជ្ជាជីវៈមេធាវី។ បន្ថែមពីនេះទៀត ក៏មានការរាយការណ៍អំពីសកម្មភាពការងាររបស់នាយកដ្ឋានអធិការកិច្ច ផងដែរ។

ជាចុងក្រោយ ឯកឧត្តមប្រធាន សូមជូនពរ លោកប្រធាន លោក-លោកស្រីអនុប្រធាននាយកដ្ឋាន សមាជិក-សមាជិកាក្រុមអធិការទាំងអស់ ទទួលបានជោគជ័យក្នុងភារកិច្ចការងារ ជោគជ័យក្នុងការប្រកបវិជ្ជាជីវៈ និងសុំរួមគ្នាដើម្បីលើកតម្កើងឧត្តមភាព និងកិត្យានុភាពនៃវិជ្ជាជីវៈមេធាវី។