ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី យ៉ុន ប៊ុនណា សមាជិកក្រុមប្រឹក្សាគណៈមេធាវី ដាក់កម្រងផ្កាគោរពវិញ្ញាណក្ខន្ធសពឧបាសក ភោគ ឈៀន (ហៅ ភោគ អិន) ត្រូវជាឪពុកលោកមេធាវី អិន វ៉ានឈាន ត្រូវជាឪពុកក្មេកលោកស្រីមេធាវី លឹម វួចនា និងត្រូវជាជីតាលោកស្រីមេធាវី បុល សាន់នីត្តា

នាល្ងាច ថ្ងៃអង្គារ ៦រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី យ៉ុន ប៊ុនណា សមាជិកក្រុមប្រឹក្សាគណៈមេធាវី ដឹកនាំប្រតិភូមេធាវី ទៅដាក់កម្រងផ្កាគោរពវិញ្ញាណក្ខន្ធសពឧបាសក ភោគ ឈៀន (ហៅ ភោគ អិន) ត្រូវជាឪពុកលោកមេធាវី អិន វ៉ានឈាន ត្រូវជាឪពុកក្មេកលោកស្រីមេធាវី លឹម វួចនា និងត្រូវជាជីតាលោកស្រីមេធាវី បុល សាន់នីត្តា។ ក្នុងឱកាសនោះក៏បាននាំយកសារលិខិតរំលែកមរណទុក្ខ និងថវិកាមួយចំនួនចូលបច្ច័យក្នុងពិធីបុណ្យដែលប្រារព្ធធ្វើនៅ ផ្ទះលេខ១៦០៧ ផ្លូវលេខ៨៦K ភូមិរោងចក្រ សង្កាត់គោកឃ្លៀង ខណ្ឌសែនសុខ រាជធានីភ្នំពេញ។