ឯកឧត្តម លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានអញ្ជេីញចូលរួមធ្វេីបទឧទេ្ទសនាម ស្តីពី"គោលការណ៍ធំៗនៃច្បាប់" ជូនដល់មន្រ្តីមជ្ឈមណ្ឌល និងសិក្ខាកាមវគ្គហ្វឹកហ្វឺនជំនាញអង្គរក្សពិសេសជំនាន់ទី២៥

នាព្រឹកថ្ងៃពុធ ៣កេីត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២២ ខែកុម្ភ: ឆ្នាំ២០២៣...

នាព្រឹកថ្ងៃពុធ ៣កេីត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២២ ខែកុម្ភ: ឆ្នាំ២០២៣ ឯកឧត្តម លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជាអញ្ជេីញចូលរួមធ្វេីបទឧទេ្ទសនាម ស្តីពី "គោលការណ៍ធំៗនៃច្បាប់" ជូនដល់មន្រ្តីមជ្ឈមណ្ឌល និងសិក្ខាកាមវគ្គហ្វឹកហ្វឺនជំនាញអង្គរក្សពិសេសជំនាន់ទី២៥ ចំនួន ៥៧០រូប នៅមជ្ឈមណ្ឌលហ្វឹកហ្វឺនភ្នំស្រង់នៃបញ្ជាការដ្ឋានអង្គរក្ស ស្ថិតនៅភូមិស្វាយ ឃុំស្រង់ ស្រុកគងពិសី ខេត្តកំពង់ស្ពឺ។ នាឱកាសនោះក៏មានកិច្ចស្វាគមន៍យ៉ាងកក់ក្តៅពី ឯកឧត្តម ឧត្តមសេនីយ៍ឯក យ៉ាត ទូច មេបញ្ជាការរង និងជានាយខុទ្ទកាល័យបញ្ជាការដ្ឋានអង្គរក្ស និងការធ្វេីរបាយការណ៍អំពីស្ថានភាពភូមិសាស្រ្ត និងសកម្មភាពការងារហ្វឹកហ្វឺន ដោយ ឯកឧត្តម ឧត្តមសេនីយ៍ឯក យីប កូយ នាយកមជ្ឈមណ្ឌលហ្វឹកហ្វឺនភ្នំស្រង់ ព្រមទាំងបានជូន ឯកឧត្តមប្រធានគណ:មេធាវី និងប្រតិភូអមដំណេីរធ្វេីទស្សនកិច្ច ស្ទូឌីយោថតភាពយន្ត និងសំណេះសំណាលជាមួយក្រុមការងារផលិតភាពយន្តរឿង "កូនប្រុសក្រោមពន្លឺព្រះច័ន្ទពេញបរមី" និងទស្សនកិច្ចអគារទីចាត់ការ បណ្ណាល័យ ព្រមទាំងសមិទ្ធផលនានានៅក្នុងមជ្ឈមណ្ឌលហ្វឹកហ្វឺន ផងដែរ។ ឯកឧត្តម លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានថ្លែងនូវមតិស្វាគមន៍ទៅកាន់សិក្ខាកាម និងបានធ្វេីបទឧទេ្ទសនាមអំពី: -លិខិតបទដ្ឋានគតិយុត្តនៃព្រះរាជាណាចក្រកម្ពុជា -ស្ថាប័នធំៗមានកំណត់ក្នុងរដ្ឋធម្មនុញ្ញ -តួអង្គសំខាន់ៗនៃតួអង្គតុលាការ -ការទទួលខុសត្រូវផ្នែកច្បាប់ ឯកឧត្តម លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានសម្តែងអំណរគុណ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការដ្ឋានអង្គរក្ស ចំពោះការអញ្ជេីញ ឯកឧត្តម មកធ្វេីបទឧទេ្ទសនាមផ្សព្វផ្សាយអំពីគោលការណ៍ច្បាប់ និងសូមអរគុណសិក្ខាកាមទាំងអស់ដែលបានយកចិត្តទុកដាក់ ត្រងត្រាប់ស្តាប់ កត់ត្រានូវចំណុចសំខាន់ៗ ដែលឯកឧត្តមបានធ្វេីបទបង្ហាញ។ ជាចុងក្រោយ ឯកឧត្តម លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានជូនពរដល់ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង, ឯកឧត្តម ឧត្តមសេនីយ៍ឯក យ៉ាត ទូច, ឯកឧត្តមនាយកមជ្ឈមណ្ឌល នាយករង យោធាចារ្យ មន្រ្តី និងសិក្ខាកាមទាំងអស់ សូមជោគជ័យនៅក្នុងវគ្គហ្វឹកហ្វឺន ជោគជ័យក្នុងការប្រកបវិជ្ជាជីវ: និងជួបតែពុទ្ធពរទាំង៤ប្រការ គឺអាយុ វណ្ណ: សុខ: ពល: កុំបីឃ្លៀងឃ្លាតឡេីយ។

A1 332880975 3316401975279379 1763413835223048259 n