ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងសុន្ទរកថាគន្លឹះ ក្នុងពិធីសម្ពោធព្រឹត្តិបត្រច្បាប់សាលាត្រាជូលេខទី៦ ខែមករា ឆ្នាំ២០២៤” នៅសាលប្រជុំជាន់ទី៧ នៃសាកលវិទ្យាល័យភ្នំពេញអន្តរជាតិ

នាព្រឹកថ្ងៃសៅរ៍ ៨កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែកក្កដា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាគណៈអធិបតី និងថ្លែងសុន្ទរកថាគន្លឹះ ក្នុងពិធីសម្ពោធព្រឹត្តិបត្រច្បាប់សាលាត្រាជូលេខទី៦ ខែមករា ឆ្នាំ២០២៤” នៅសាលប្រជុំជាន់ទី៧ នៃសាកលវិទ្យាល័យភ្នំពេញអន្តរជាតិ។ ពិធីនេះមានការអញ្ជេីញចូលរួមដោយ ឯកឧត្តមបណ្ឌិត ឆាយ ហុកផេង អនុប្រធានក្រុមប្រឹក្សានីតិកម្ម និងយុត្តិធម៌នៃក្រសួងយុត្តធម៌ សាមាជិកក្រុមប្រឹក្សាវិទ្យាសាស្រ្តនៃសមាគមសាលាត្រាជូ និងជាអតីតប្រធានតុលាការព្រហ្មទណ្ឌប្រទេសបារាំង តំណាងសាកលវិទ្យាល័យភ្នំពេញអន្តរជាតិ អនុប្រធានសមគម សមាជិក-សមាជិកាសមាគមសាលាត្រាជូ ភ្ញៀវកិត្តិយស និងសិក្ខាកាមចូលរួម សរុប១២០ នាក់។ ឯកឧត្តមប្រធានគណៈមេធាវី បានថ្លែងអំណរគុណចំពោះ ឯកឧត្តម ទី ហ្សានិត ប្រធានសមាគមសាលាត្រាជូ ដែលបានអញ្ជើញឯកឧត្តមចូលរួមក្នុងកម្មវិធី និងថ្លែងសុន្ទរកថាគន្លឹះនាថ្ងៃនេះ។ និងបានចូលរួមអបអរសាទរ ចំពោះសមាគមសាលាត្រាជូ អ្នកតាត់តែង គណៈកម្មាការនាយកនៃព្រឹត្តបត្រច្បាប់ និងក្រុមការងារសាលាត្រាជូ ព្រមទាំងបានកោតសរសេីរ វាយតម្លៃខ្ពស់ចំពោះគុណភាពនៃការតាក់តែង ការស្រាវជ្រាវ ការរៀបចំ និងការរចនារហូតបង្កេីតចេញជារូបរាងព្រឹត្តិបត្រនេះឡេីង ដែលមានប្រធានបទពាក់ព័ន្ធនឹងច្បាប់ឯកជន ច្បាប់សាធារណៈ ច្បាប់អន្តរជាតិ បច្ចុប្បន្នភាពគតិយុត្តកម្ពុជា និក្ខេបបទជ័យលាភីរបស់និស្សិត អត្ថបទស្រាវជ្រាវ និងមរតកបណ្ណសារជាតិគតិយុត្តខ្មែរផងដែរ លើសពីនេះ អត្ថបទមានទាំងជាភាសាខ្មែរ និងអង់គ្លេស។ ឯកឧត្តមប្រធានគណៈមេធាវី បានថ្លែងសុន្ទរកថាគន្លឹះ ចំនួន ៤ ចំណុច អំពីសារៈសំខាន់នៃព្រឹត្តិបត្រច្បាប់ រួមមាន៖

១) គុណវុឌ្ឍិស្នូលរបស់អ្នកច្បាប់

២) ការប្រមូលផ្តុំបណ្តាញអ្នកច្បាប់

៣) ការបង្កើតស្នាដៃក្នុងស្រុក និង

៤) ធនធានសម្រាប់ការសិក្សាស្រាវជ្រាវ។

ឯកឧត្តមប្រធាន បានបញ្ជាក់បន្ថែមថា ព្រឹត្ដិបត្រច្បាប់សាលាត្រាជូនេះនឹងបន្ដចូលរួមចំណែកលើកកម្ពស់ការសិក្សាស្រាវជ្រាវផ្នែកច្បាប់ និងផ្នែកពាក់ព័ន្ធឱ្យមានភាពរីកចម្រើនជាលំដាប់ អនុលោមតាមបេសកកម្មជាគុណតម្លៃរបស់សមាគម ក្នុងការចូលរួមចំណែកបណ្តុះបណ្តាលនិងអភិវឌ្ឍសមត្ថភាព ព្រមទាំងគុណវឌ្ឍិរបស់អ្នកស្រាវជ្រាវ អ្នកប្រកបវិជ្ជាជីវៈ ព្រមទាំងនិស្សិតច្បាប់។ បន្ថែមពីលើនេះ ព្រឹត្ដិបត្រច្បាប់សាលាត្រាជូ នឹងត្រូវបានប្រើប្រាស់ជាប្រយោជន៍តាមតម្រូវការជាក់ស្ដែងនៅក្នុងសង្គម ដើម្បីចូលរួមជាផ្នែកមួយនៃការអភិវឌ្ឍវិស័យស្រាវជ្រាវច្បាប់ឲ្យមានមានសំបូរបែប ស្របតាមការវិវត្តរបស់សង្គម និងបច្ចេកវិទ្យារីកចម្រើន។ សូមបញ្ជាក់ផងដែរថា ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ក៏ជាសមាជិកវិទ្យាសាស្រ្តរបស់សមាគមសាលាត្រាជូ ផងដែរ។

គណៈមេធាវីនៃព្រះរាជាណាចក្រកម្ពុជា ⏬ JOIN

E1 450810523 998620042057217 3241738701887663933 n